Fahrschule  Ivo Oeggerli               
Mattenstrasse 14, 6330 Cham

Fahrschüler/innen die sicher ans Ziel gekommen sind!

Kommentar Fahrschülerin
Ich bin hell begeischteret vo de Fahrstunde bim Ivo. Bi ihm lersch würklich das wo du bi de Prüefig den au muesch chönne und sehr vil für dini witeri Zuekunft im Auto. Er gaht mit dier go Rächtsvortritt fahre, üebt mit dier sämtlichi Manöver und s'flüssig fahre im Verkehr. Am Schluss vo jedere Fahrstund tued er mit dier bespräche was guet gsi isch und was ihr s'nächschti mal noeinisch aluege müend. Dur das weisch du immer sälber uf was du muesch luege wenn du usserhalb vo de Fahrstunde gahsch go fahre und wo du öppe stasch! De Ivo isch würklich en junge coole Typ, aber das wirsch du denn scho sälber feschtstelle bi dinere erschte Fahrstund bi mim Cousin!

Kommentar Fahrschülerin
De Ivo isch ned "nur" min Cousin, nei er isch au en geniale Fahrlehrer. D'Stunde sind sehr abwechsligsrich gstaltete und ganz sicher ned langwielig. Die mängisch komplizierte Sache, chan er sehr guet überebringe. D'Besprechig nach jedere Stund schätz ich sehr, so weiss mer au wo mer staht. Aber das chasch Du ja alles selber usegfinde, meld di eifach a!!!

Kommentar Fahrschülerin
Bim Ivo muesch id Fahrstund gah, wenn öppis für dis Geld willsch ha!
Er hät Geduld und chan guet schwätze, seit Dier genau wie mit em Auto muesch fätze.
Es macht eifach Spass im Ivo sine Stunde, chan nur säge: han dä bescht Fahrlehrer gfunde.
Drum tue gschieder nümme lang studiere, bim Ivo muesch s'erscht mal Autofahre probiere!
Ich danke em Ivo für die lehrrich und super Ziit, han vell chönne lerne und bin jetzt für d'Strass fit.

Kommentar Fahrschülerin
Jupidu, de "Check" isch da,
mer muess jo gar kei Sorge ha.

Bim Ivo lehrsch so guet manövriere
do muesch nomme lang umestudiere.

Bisch emol churz vor em Verzwiefle,
er werd Dier ganz bestimmt under d'Arme griife.

Autobahn, Landtrass oder Siitegässli,
im Golf Turbo Diesel isch das immer es Gspässli.

S'Bögele isch kei grossi Sach,
schliesslich isch de Ivo vom Fach.

Wotsch d'Fahrprüefig fählerfrei bestah,
muesch en Fahrlehrer wie de Ivo ha.

Sis Motto lutet: "Sicher ans Ziel!"
ond a dem liit ihm cheibe viel!!!

Karin Villiger (Mitdichterin Yvonne Muther), 29.06.2001

Kommentar Fahrschülerin
Autofahren, dass grosse Ding, kaum 18jährig und ich sitze drin. Das seltsame Gefühl war nicht lange da, denn Ivo nahm es mir wie nichts. Von einer Fahrstunde zur andereren wurde es interessanter, denn ich wusste nie was kommt. Plötzlich hiess es, "und heute gehen wir auf die Autobahn!" Als ich dann die Theorie im ersten mal bestanden hatte, ging es nicht mehr lange, da meldete mich Ivo zur praktischen Prüfung an. Mit einem guten Gefühl schickte er mich hin (was er mir sagte). Alles was er mich gelehrt hat, kam an der Prüfung vor, alle Manöver welche wir gut übten, Rechtsvortritte erkennen, auf der Autobahn und auch sonst im Verkehr fliessend fahren. Und nun stehe ich hier mit einem blauen Ausweis. Ich bin Ivo sehr dankbar für die super Vorbereitung auf meine Zukunft im Auto. Ich wünsche dir alles alles gute mit deiner Fahrschule, und hoffe, dass du noch vielen Fahrschülern nach der Prüfung die Hand schütteln kannst und auch dir auf die Schulter klopfst und sagst, "das haben wir wieder einmal gut gemeistert!" Ich wünsch dir no viel viel Spass und hoffentlich gseht mer sich mol wieder. MfG Andrea Dietziker

Stand: 19. Februar 2008 Copyright © 2001 Paul Oeggerli